Nishan-e-Sikhi Charitable Trust (Regd.)
  • Facebook
  • PayPal
  • YouTube
+91-98785-52417
  • Home
  • About US
    • History of Khadur Sahib
    • Contact Us
    • Behind Us
    • Office Bearers and Trustees
    • Our Mission
    • About us
      • Khadur Sahib Presentation
      • Institutes running under Kaar Sewa through Nishan-E-Sikhi Charitable Trust (Regd.)
  • Educational Project
    • Nishan-e-Sikhi Institute of Science & Training (IIT/NEET wing)
    • Nishan-E-Sikhi Preparatory Institue (NDA Wing)
    • BGSUS Senior Secondary School, Khadur Sahib
    • ਨਿਸ਼ਾਨ – ਏ – ਸਿੱਖੀ ਇੰਟਰਨੈਸ਼ਨਲ ਸਕੂਲ, ਖਡੂਰ ਸਾਹਿਬ (ਤਰਨ ਤਾਰਨ)
    • Scholarship Scheme for Aspirants of IAS & Allied Services
    • Institutes running under Kaar Sewa Khadur Sahib.
      • Sri Guru Angad Dev Institute of Career and Courses (Recruitment in defence forces)
      • Sri Guru Angad Dev Institute of Religious Studies.
  • Donation
    • Donate Now
    • User Registration for Notifications
  • Enviromental Conservation
    • Afforestation
    • Horticulture
    • LandScaping
    • ਪੰਜਾਬੀ ਸੈਕਸ਼ਨ
      • ਵਿੱਦਿਅਕ ਪ੍ਰਾਜੈਕਟ
      • ਵਾਤਾਵਰਨ ਸੰਭਾਲ ਪ੍ਰਾਜੈਕਟ
  • Live
    • Video Live
  • FC Donations
    • Donations 01-10-2020 to 31-12-2020
    • Donation 01-07-2020 to 30-09-2020
    • Donations 01-04-2020 to 30-06-2020
    • Donation -01-01-2020 to 31-03-2020
    • Donation 01-10-2019 to 31-12-2019
    • Donation 01-07-2019 to 30-09-2019
    • Donation 1-4-19 to 30-6-19
    • Donation 01-10-2018 to 31-12-2018
    • Donation -01-07-2018 to 30-09-2018
    • Donation-01-04-2018-to-30-06-2018
    • Donation 01-01-2018 to 31-03-2018
    • Donation 01-07-2017 to 30-09-2017
    • Donation 01-04-2017 to 30-06-2017
    • Donations 1 Jan 2017 to 31 March 2017
    • Donations 1 Oct 2016 to 31 Dec 2016
    • Donations 1/7/16 to 30/9/16
  • Links
    • Baba Gurmukh Singh Uttam Singh Senior Secondary School, Khadur Sahib (Tarn Taran).
    • Bandi Chhod Academy, Gharsondhi, Distt. Gawalior (MP)
    • Bandi Chhod Academy, Mohna, Distt. Gawalior (MP)
    • Sri Guru Arjan Dev Senior Secondary School, Kartarpur (jalandhar)
    • Sri Guru Hargobind Public School, Gohad, Distt. Gawalior (MP)
  • Media Review
    • Nishan-E-Sikhi Magazine-2017
    • Nishan-e-sikhi Brochure
  • Photo Gallary
    • Environment Conservation
    • BABA UTTAM SINGH national Hockey Academy Photo Gallery
    • Capital Awards
    • Hockey Gallery
    • Nishan-E-Sikhi Tower Construction
    • UK Lions Hockey Academy visits Khadur Sahib.
    • SGAD Institute of Career & Courses Photo Gallery
    • Special Contribution By Sardar Kartar Singh Thakral & His family
  • Sports
    • ਖੇਡ ਪ੍ਰਾਜੈਕਟ
      • ਬਾਬਾ ਉੱਤਮ ਸਿੰਘ ਨੈਸ਼ਨਲ ਹਾਕੀ ਅਕੈਡਮੀ ਖਡੂਰ ਸਾਹਿਬ
      • HOCKEY ACADEMY
  • Admin Section
    • Home
    • Register Candidate Gurmat Camp 2019
    • Darbar Sahib Amritsar Live Kirtan
    • Submit Ticket
    • Online Admisssions
    • Library Admin Login
    • Institute Login
    • Firewall Login
    • Video Conference
    • Email Login
    • Video Conference
previous arrow
next arrow
Slider
Registration form for Seventh Two Year Preparatory Programme for NDA.     Registration For Civil Services Preparatory Programme     ADMISSION PROCEDURE (NDA)
  • Home»
  • 2015»
  • March

Notice Board

  • Admission form for 7th course 02 May 2021

  • Registration Form of BA Social Studies

  • List of Candidates Who Has Clear The Interview Of 7th Course NDA Wing(Nishan-E-Sikhi Institute of Science and Training) 2020-2021

  • List of Shortlisted Candidates Of 7th Course NDA Wing(Nishan-E-Sikhi Institute of Science and Training) 2020-2021

Gallery

427 428 276 279 284 DSC_0027

Special Contribution

Sardar Kartar Singh Thakral

ਸੰਸਾਰ ਪਾਣੀ ਦਿਹਾੜੇ ‘ਤੇ ਪੰਜਾਬ ਪ੍ਰਦੂਸ਼ਣ ਰੋਕਥਾਮ ਬੋਰਡ ਤੇ ਕਾਰ ਸੇਵਾ ਵਲੋਂ ਰਾਜ-ਪੱਧਰੀ ਸੈਮੀਨਾਰ

 Chief Guest Manpreet Singh IAS (center), Principal Dr. Surinder Bangar, Dr. Kuldeep Singh, Dr. Gian Singh on stage

Chief Guest Manpreet Singh IAS (center), Principal Dr. Surinder Bangar, Dr. Kuldeep Singh, Dr. Gian Singh on stage

ਤੀਜੀ ਆਲਮੀ ਜੰਗ ਪਾਣੀ ਨੂੰ ਲੈ ਕੇ ਹੋਣ ਦਾ ਖਦਸ਼ਾ – ਮਾਹਿਰ

ਬੋਰਡ ਚੇਅਰਮੈਨ ਨੇ ਕਾਰ ਸੇਵਾ ਖਡੂਰ ਸਾਹਿਬ ਦੇ ਕੁਦਰਤ-ਪੱਖੀ ਬੈਗ ਲਈ ਦਿੱਤੇ 1 ਲੱਖ ਰੁਪਏ

ਖਡੂਰ ਸਾਹਿਬ, 21 ਮਾਰਚ – ਪੰਜਾਬ ਪ੍ਰਦੂਸ਼ਣ ਕੰਟਰੋਲ ਬੋਰਡ ਵਲੋਂ ਕਾਰ ਸੇਵਾ ਖਡੂਰ ਸਾਹਿਬ ਅਤੇ ਨਿਸ਼ਾਨ-ਏ-ਸਿੱਖੀ ਚੈਰੀਟੇਬਲ ਟਰੱਸਟ ਦੇ ਸਹਿਯੋਗ ਨਾਲ ਸੰਸਾਰ ਪਾਣੀ ਦਿਹਾੜੇ ‘ਤੇ ‘ਪਾਣੀ ਅਤੇ ਕੁਦਰਤ-ਪੱਖੀ ਵਿਕਾਸ’ ਵਿਸ਼ੇ ‘ਤੇ ਸ੍ਰੀ ਗੁਰੂ ਅੰਗਦ ਦੇਵ ਕਾਲਜ ਖਡੂਰ ਸਾਹਿਬ ਦੇ ਆਡੀਟੋਰੀਅਮ ਵਿਚ ਰਾਜ ਪੱਧਰੀ ਸੈਮੀਨਾਰ ਕਰਵਾਇਆ ਗਿਆ, ਜਿਸ ਵਿਚ ਬੋਰਡ ਦੇ ਚੇਅਰਮੈਨ ਸ. ਮਨਪ੍ਰੀਤ ਸਿੰਘ ਆਈ.ਏ.ਐੱਸ. ਨੇ ਬਤੌਰ ਮੁੱਖ ਮਹਿਮਾਨ ਅਤੇ ਪੰਜਾਬੀ ਯੂਨੀਵਰਸਿਟੀ ਪਟਿਆਲਾ ਦੇ ਉਘੇ ਸਿੱਖਿਆ ਸਾਸ਼ਤਰੀ ਡਾ. ਕੁਲਦੀਪ ਸਿੰਘ ਅਤੇ ਅਰਥ-ਸ਼ਾਸ਼ਤਰੀ ਡਾ. ਗਿਆਨ ਸਿੰਘ ਨੇ ਬਤੌਰ ਮੁੱਖ ਵਕਤਾ ਵਜੋਂ ਉਚੇਚੇ ਤੌਰ ‘ਤੇ ਸ਼ਿਰਕਤ ਕੀਤੀ।

ਸੈਮੀਨਾਰ ਦਾ ਆਗਾਜ਼ ਨਿਸ਼ਾਨ-ਏ-ਸਿੱਖੀ ਦੇ ਧਰਮ ਅਧਿਐਨ ਦੇ ਵਿਦਿਆਰਥੀਆਂ ਨੇ ਅਰੰਭ ਵਿਚ ਗੁਰਬਾਣੀ ਵਿਚਲੇ ਪਾਣੀ ਦੀ ਅਹਿਮੀਅਤ ਦਰਸਾਉਂਦੇ ਰਸਭਿੰਨੇ ਸ਼ਬਦਾਂ ਦੇ ਗਾਇਨ ਨਾਲ ਕੀਤਾ ਗਿਆ। ਕਾਲਜ ਪ੍ਰਿੰਸੀਪਲ ਡਾ. ਸੁਰਿੰਦਰ ਬੰਗੜ ਨੇ ਆਏ ਮਹਿਮਾਨਾਂ ਨੂੰ ਜੀ ਆਇਆਂ ਕਿਹਾ ਅਤੇ ਬਾਬਾ ਸੇਵਾ ਸਿੰਘ ਕਾਰ ਸੇਵਾ ਖਡੂਰ ਸਾਹਿਬ ਵਾਲਿਆਂ ਵਲੋਂ ਪਾਣੀ ਵਰਗੇ ਬੇਸ਼ਕੀਮਤੀ ਕੁਦਰਤੀ ਸਰੋਤ ਦੀ ਰਾਖੀ ਲਈ ਕੀਤੇ ਜਾ ਰਹੇ ਉਪਰਾਲਿਆਂ ਬਾਰੇ ਵਾਕਫੀਅਤ ਕਰਵਾਈ।

ਇਸ ਮੌਕੇ ਸੰਬੋਧਨ ਕਰਦਿਆਂ ਸ. ਮਨਪ੍ਰੀਤ ਸਿੰਘ ਆਈ.ਏ.ਐਸ. ਨੇ ਕਿਹਾ ਕਿ ਪਾਣੀ ਦੀ ਸਮੱਸਿਆ ਦਿਨੋਂ-ਦਿਨ ਗੰਭੀਰ ਹੁੰਦੀ ਜਾ ਰਹੀ ਹੈ, ਜੋ ਕਿ ਚਿੰਤਾ ਦਾ ਵਿਸ਼ਾ ਹੈ। ਉਹਨਾਂ ਕਿਹਾ ਕਿ ਖੇਤੀ ਅਤੇ ਸਨਅਤੀ ਖੇਤਰ ਵਿਚ ਪਾਣੀ ਦੀ ਵਰਤੋਂ ਸੰਜਮ ਨਾਲ ਕੀਤੇ ਬਿਨਾਂ ਇਹ ਸਮੱਸਿਆ ਹੱਲ ਨਹੀਂ ਹੋ ਸਕਦੀ ਅਤੇ ਘਰਾਂ ਵਿਚ ਵੀ ਇਸ ਗੱਲ ਦਾ ਖਾਸ ਖਿਆਲ ਰੱਖਣਾ ਲੋੜੀਂਦਾ ਹੈ। ਉਹਨਾਂ ਕਿਹਾ ਕਿ ਅੱਜਕਲ ਘਰਾਂ ਦਾ ਕੂੜਾ-ਕਰਕਟ ਏਨਾ ਵਧ ਰਿਹਾ ਹੈ ਕਿ ਇਸ ਲਈ ਸਮਾਜਿਕ ਲਹਿਰ ਪੈਦਾ ਕਰਨੀ ਜਰੂਰੀ ਬਣ ਗਈ ਹੈ।

ਡਾ. ਗਿਆਨ ਸਿੰਘ ਨੇ ਪਾਣੀ ਦੇ ਪ੍ਰਦੂਸ਼ਣ ਅਤੇ ਇਸ ਸਬੰਧੀ ਪੈਦਾ ਹੋਏ ਸੰਕਟ ਪਿੱਛੇ ਕੁਦਰਤ-ਵਿਰੋਧੀ ਵਿਕਾਸ ਮਾਡਲ ਨੂੰ ਉਤਰਦਾਈ ਮੰਨਿਆ ਅਤੇ ਇਸ ਦੇ ਪਿਛੋਕੜ ‘ਤੇ ਚਾਨਣਾ ਪਾਇਆ। ਉਹਨਾਂ ਨੇ ਇਹ ਗੱਲ ਬੜੀ ਸ਼ਿੱਦਤ ਨਾਲ ਕਹੀ ਕਿ ਕੇਂਦਰ ਸਰਕਾਰ ਨੇ ਦੇਸ਼ ਨੂੰ ਅਨਾਜ ਪੱਖੋਂ ਸਵੈ-ਨਿਰਭਰ ਬਣਾਉਣ ਲਈ ਪੰਜਾਬ ਦੇ ਅਣਮੁੱਲੇ ਕੁਦਰਤੀ ਸਾਧਨਾਂ ਦੀ ਅੰਨੀ-ਦੁਰਵਰਤੋਂ ਅਤੇ ਜ਼ਹਿਰਾਂ ਦੀ ਵਰਤੋਂ ਨੂੰ ਉਤਸ਼ਾਹ ਕੀਤਾ, ਜਿਸ ਦੇ ਸਿੱਟੇ ਵਜੋਂ ਪੰਜਾਬ ਜਿਥੇ ਪਾਣੀ ਦੇ ਮਾਮਲੇ ਵਿਚ ਕੰਗਾਲ ਹੋ ਗਿਆ ਹੈ, ਉਥੇ ਇਸ ਨਾਲ ਆ ਰਹੀ ਸਿਹਤ ਨਿਘਾਰ ਨੇ ਸੂਬੇ ਨੂੰ ਸਰੀਰਕ ਮੌਤ ਵੱਲ ਧੱਕ ਦਿੱਤਾ ਹੈ। ਉਹਨਾਂ ਨੇ ਪੰਜਾਬ ਨੂੰ ਝੋਨੇ ਜੋ ਕਿ ਧਰਤੀ ਹੇਠਲੇ ਪਾਣੀ ਦੇ ਪੱਧਰ ਦਾ ਖਤਰਨਾਕ ਤਰੀਕੇ ਨਾਲ ਹੇਠਾਂ ਡਿੱਗਣ ਦਾ ਮੁੱਖ ਕਾਰਨ ਹੈ, ਦਾ ਬਦਲ ਸੂਬੇ ਦੀ ਜਲਵਾਯੂ ਦੇ ਮੱਦੇਨਜਰ ਰੱਖ ਕੇ ਲੱਭਣ ‘ਤੇ ਜੋਰ ਦਿੱਤਾ। ਉਹਨਾਂ ਨੇ ਪੰਜਾਬ ਦੇ ਸੀਮਤ ਦਰਿਆਈ ਪਾਣੀਆਂ ਨੂੰ ਗੈਰ-ਕਨੂੰਨੀ ਢੰਗ ਨਾਲ ਦੂਜੇ ਰਾਜਾਂ ਨੂੰ ਦਿੱਤੇ ਜਾਣ ਦੇ ਅਮਲ ਦਾ ਮੁੱਦਾ ਵੀ ਉਠਾਇਆ। ਡਾ. ਕੁਲਦੀਪ ਸਿੰਘ ਨੇ ਵਿਚਾਰ ਪ੍ਰਗਟਾਉਂਦਿਆਂ ਕਿਹਾ ਕਿ ਜਦੋਂ ਬੰਦਾ ਕੁਦਰਤ ਨਾਲੋਂ ਆਪਣਾ ਸਬੰਧ ਤੋੜਦਾ ਹੈ, ਉਦੋਂ ਕੁਦਰਤ ਤਬਾਹੀ ਲਿਆਉਂਦੀ ਹੈ। ਉਹਨਾਂ ਨੇ ਕਿਹਾ ਕਿ 20ਵੀਂ ਸਦੀ ਵਿਚ ਵੱਖ-ਵੱਖ ਦੇਸ਼ਾਂ ਵਿਚਕਾਰ ਖਣਿਜ ਤੇਲ ਨੂੰ ਲੈ ਕੇ ਜੰਗ ਹੋਈ ਹੈ ਅਤੇ 21ਵੀਂ ਸਦੀ ਵਿਚ ਪਾਣੀ ਨੂੰ ਲੈ ਕੇ ਹੋਵੇਗੀ ਜੋ ਕਿ ਤੀਜੀ ਆਲਮੀ ਜੰਗ ਦਾ ਰੂਪ ਧਾਰਨ ਕਰ ਸਕਦੀ ਹੈ। ਉਹਨਾਂ ਨੇ ਕਿਹਾ ਕਿ ਪਾਣੀ ਦੀ ਸਮੱਸਿਆ ਸਮੂਹਿਕ ਯਤਨਾਂ ਨਾਲ ਹੀ ਹੱਲ ਹੋ ਸਕਦੀ ਹੈ। ਇਸ ਮਾਮਲੇ ਵਿਚ ਪੱਛਮੀ ਵਿਕਸਿਤ ਮੁਲਕਾਂ ਵਲੋਂ ਨਾਂਹ-ਪੱਖੀ ਨਿਭਾਏ ਜਾਣ ਤੇ ਵਿਕਾਸਸ਼ੀਲ ਦੇਸ਼ਾਂ ਨੂੰ ਨਜਾਇਜ ਢੰਗ ਨਾਲ ਦੋਸ਼ੀ ਠਹਿਰਾਏ ਜਾਣ ਦੀ ਵੀ ਉਹਨਾਂ ਨੇ ਸਖਤ ਅਲੋਚਨਾ ਕੀਤੀ।

ਬੋਰਡ ਦੇ ਮੁੱਖ ਵਾਤਾਵਰਨ ਇੰਜੀਨੀਅਰ ਜੀ.ਐਸ. ਮਜੀਠੀਆ ਨੇ ਆਏ ਪਤਵੰਤਿਆਂ ਨੂੰ ਧੰਨਵਾਦ ਦੇ ਸ਼ਬਦ ਕਹੇ। ਇਸ ਮੌਕੇ ਕਾਲਜ ਦੇ ਵਿਦਿਆਰਥੀ ਹਰਪਾਲ ਸਿੰਘ ਨੇ ‘ਧੀਆਂ ਬਚਾਓ, ਰੁੱਖ ਲਗਾਓ, ਪਾਣੀ ਦਾ ਸਤਿਕਾਰ ਕਰੋ’ ਵਰਗਾ ਪ੍ਰੇਰਨਾਦਾਇਕ ਗੀਤ ਪੇਸ਼ ਕੀਤਾ। ਕਾਰ ਸੇਵਾ ਖਡੂਰ ਸਾਹਿਬ ਵਲੋਂ ਬਾਬਾ ਬਲਵਿੰਦਰ ਸਿੰਘ ਨੇ ਮੁੱਖ ਮਹਿਮਾਨ ਨੂੰ ਕਾਰ ਸੇਵਾ ਖਡੂਰ ਸਾਹਿਬ ਵਲੋਂ ਬੀ.ਐੱਡ ਕਾਲਜ ਖਡੂਰ ਸਾਹਿਬ ਦੇ ਵਿਦਿਆਰਥੀਆਂ ਦੇ ਸਹਿਯੋਗ ਨਾਲ ਤਿਆਰ ਕੀਤੇ ਈਕੋ-ਫਰੈਂਡਲੀ ਝੋਲਾ ਭੇਂਟ ਕੀਤਾ। ਸ.ਮਨਪ੍ਰੀਤ ਸਿੰਘ ਨੇ ਇਸ ਉੱਦਮ ਤੋਂ ਪ੍ਰਭਾਵਿਤ ਹੋ ਕਿ ਇਸ ਕਾਰਜ ਦਾ ਘੇਰਾ ਹੋਰ ਵਧਾਉਣ ਲਈ ਇਕ ਲੱਖ ਰੁਪਏ ਦੇਣ ਦਾ ਐਲਾਨ ਕੀਤਾ। ਬੋਰਡ ਦੇ ਵਿਗਿਆਨਕ ਅਫਸਰ ਅਤੇ ਪਬਲਿਕ ਰੀਲੇਸ਼ਨ ਅਫਸਰ ਡਾ. ਚਰਨਜੀਤ ਸਿੰਘ ਨਾਭਾ ਨੇ ਜਿਥੇ ਮੰਚ ਸਕੱਤਰ ਦੀ ਭੂਮਿਕਾ ਬਾਖੂਬੀ ਨਿਭਾਈ, ਉਥੇ ਪਾਣੀ ਦੇ ਸੰਕਟ ਦੇ ਵੱਖ-ਵੱਖ ਪੱਖਾਂ ਤੇ ਨਤੀਜਿਆਂ ਬਾਰੇ ਰੌਸ਼ਨੀ ਪਾਈ।

ਇਸ ਮੌਕੇ ਬੋਰਡ ਦੇ ਕਾਰਜਕਾਰੀ ਇੰਜੀਨੀਅਰ ਕੁਲਦੀਪ ਸਿੰਘ, ਸੀਨੀਅਰ ਵਾਤਾਵਰਨ ਇੰਜੀਨੀਅਰ ਕੁਲਵੰਤ ਸਿੰਘ, ਬੋਰਡ ਦੇ ਮੈਂਬਰ ਸਕੱਤਰ ਡਾ. ਬਾਬੂ ਰਾਮ, ਬਾਬਾ ਬਲਦੇਵ ਸਿੰਘ, ਟਰੱਸਟ ਦੇ ਸਕੱਤਰ ਸ. ਅਵਤਾਰ ਸਿੰਘ ਬਾਜਵਾ, ਸ. ਪਿਆਰਾ ਸਿੰਘ, ਸ. ਵਰਿਆਮ ਸਿੰਘ, ਡਾ. ਕੰਵਲਜੀਤ ਸਿੰਘ, ਡਾ. ਕੁਲਦੀਪ ਸਿੰਘ, ਡਾ. ਕਮਲਜੀਤ ਸਿੰਘ, ਪ੍ਰੋ. ਸਿਮਰਪ੍ਰੀਤ ਕੌਰ, ਸਕੂਲ ਡਾਇਰੈਕਟਰ ਸ. ਗੁਰਦਿਆਲ ਸਿੰਘ ਗਿੱਲ ਤੋਂ ਇਲਾਵਾ ਕਾਰ ਸੇਵਾ ਖਡੂਰ ਸਾਹਿਬ ਅਧੀਨ ਚਲਦੇ ਵਿਦਿਅਕ ਅਦਾਰਿਆਂ ਦੇ ਵਿਦਿਆਰਥੀਆਂ ਤੇ ਅਧਿਆਪਕ ਸਾਹਿਬਾਨ ਵੀ ਹਾਜ਼ਰ ਸਨ।

2. Gathering

Read More

’ਨਿਸ਼ਾਨ-ਏ-ਸਿੱਖੀ’ ਤੋਂ ਸਿਖਲਾਈ ਲੈ ਕੇ ਜਗਦੀਪ ਕੌਰ ਬਣੀ ਸਬ-ਇੰਸਪੈਕਟਰ

ਸਬ-ਇੰਸਪੈਕਟਰ ਬਣੀ ਜਗਦੀਪ ਕੌਰ ਦਾ ਸਨਮਾਨ ਕਰਦੇ ਹੋਏ ਬਾਬਾ ਸੇਵਾ ਸਿੰਘ, ਡਾ. ਰਘਬੀਰ ਸਿੰਘ ਬੈਂਸ ਅਤੇ ਹੋਰ ਸ਼ਖ਼ਸੀਅਤਾਂ।

ਸਬ-ਇੰਸਪੈਕਟਰ ਬਣੀ ਜਗਦੀਪ ਕੌਰ ਦਾ ਸਨਮਾਨ ਕਰਦੇ ਹੋਏ ਬਾਬਾ ਸੇਵਾ ਸਿੰਘ, ਡਾ. ਰਘਬੀਰ ਸਿੰਘ ਬੈਂਸ ਅਤੇ ਹੋਰ ਸ਼ਖ਼ਸੀਅਤਾਂ।

 

-ਭਰਤੀ ਪ੍ਰੀਖਿਆ ਵਿਚ ਪੰਜਾਬ ਭਰ ਵਿੱਚੋਂ ਹਾਸਲ ਕੀਤਾ ਪਹਿਲਾ ਸਥਾਨ-

-ਬਾਬਾ ਸੇਵਾ ਸਿੰਘ ਨੇ ਕੀਤਾ ਵਿਸ਼ੇਸ਼ ਸਨਮਾਨ-

ਖਡੂਰ ਸਾਹਿਬ, 9 ਮਾਰਚ – ਬਾਬਾ ਸੇਵਾ ਸਿੰਘ ਕਾਰ ਸੇਵਾ ਖਡੂਰ ਸਾਹਿਬ ਅਧੀਨ ‘ਨਿਸ਼ਾਨ-ਏ-ਸਿੱਖੀ’ ਵਿਖੇ ਚੱਲ ਰਹੇ ‘ਸ੍ਰੀ ਗੁਰੂ ਅੰਗਦ ਦੇਵ ਇੰਸਟੀਚਿਊਟ ਆਫ ਕਰੀਅਰ ਐਂਡ ਕੋਰਸਿਜ਼’ ਤੋਂ ਸਿਖਲਾਈ ਲੈ ਕੇ ਜਗਦੀਪ ਕੌਰ ਨੇ ਪੁਲਿਸ ਸਬ ਇੰਸਪੈਕਟਰ ਬਣਨ ਦਾ ਮਾਣ ਹਾਸਲ ਕੀਤਾ ਹੈ। ਇਹੀ ਨਹੀਂ, ਪਿੰਡ ਫਾਜਲਪੁਰ ਦੀ ਜੰਮ-ਪਲ ਅਤੇ ਸ. ਸੁਖਚੈਨ ਸਿੰਘ ਦੇ ਘਰ ਜਨਮੀ ਇਸ ਹੋਣਹਾਰ ਲੜਕੀ ਨੇ ਇਸ ਅਸਾਮੀ ਲਈ ਹੋਏ ਇਮਤਿਹਾਨ ਵਿਚ ਪੰਜਾਬ ਭਰ ਵਿੱਚੋਂ ਪਹਿਲਾ ਸਥਾਨ ਹਾਸਲ ਕੀਤਾ ਹੈ ਅਤੇ 75 ਫ਼ੀਸਦੀ ਅੰਕਾਂ ਦੇ ਪਿਛਲੇ ਰਿਕਾਰਡ ਨੂੰ ਤੋੜਦਿਆਂ 79 ਫ਼ੀਸਦੀ ਅੰਕ ਹਾਸਲ ਕੀਤੇ ਹਨ।

ਜਗਦੀਪ ਕੌਰ ਦੇ ਸਨਮਾਨ ਵਿਚ ਅੱਜ ‘ਨਿਸ਼ਾਨ-ਏ-ਸਿੱਖੀ’ ਦੇ ਆਡੀਟੋਰੀਅਮ ਵਿਚ ਵਿਸ਼ੇਸ਼ ਸਮਾਗਮ ਕਰਵਾਇਆ ਗਿਆ, ਜਿਸ ਵਿਚ ਬਾਬਾ ਸੇਵਾ ਸਿੰਘ ਨੇ ਵੀ ਸ਼ਿਰਕਤ ਕੀਤੀ। ਬਾਬਾ ਸੇਵਾ ਸਿੰਘ ਨੇ ਇਸ ਮੌਕੇ ਸੰਬੋਧਨ ਕਰਦਿਆਂ ਜਿਥੇ ਵੱਡੀ ਕਾਮਯਾਬੀ ਹਾਸਲ ਕਰਨ ਵਾਲੀ ਜਗਦੀਪ ਕੌਰ ਅਤੇ ਉਸ ਦੇ ਮਾਤਾ-ਪਿਤਾ ਨੂੰ ਵਧਾਈ ਦਿੱਤੀ, ਉਥੇ ਨੌਕਰੀ ਦੌਰਾਨ ਇਮਾਨਦਾਰ ਰਹਿ ਕੇ ਲੋਕਾਂ ਦੀ ਸੱਚੀ-ਸੁੱਚੀ ਸੇਵਾ ਕਰਨ ਦੀ ਪ੍ਰੇਰਨਾ ਵੀ ਦਿੱਤੀ। ਇਸ ਤੋਂ ਇਲਾਵਾ ਉਹਨਾਂ ਨੇ ਲੜਕੀ ਨੂੰ ਆਪਣੇ ਅਕੀਦੇ ‘ਤੇ ਪਹਿਰਾ ਦੇਣ ਅਤੇ ਗੁਰਬਾਣੀ ਨਾਲ ਜੁੜੇ ਰਹਿਣ ਦਾ ਉਪਦੇਸ਼ ਵੀ ਦਿੱਤਾ।

ਜਗਦੀਪ ਕੌਰ ਨੇ ਇਸ ਮੌਕੇ ਇੰਸਟੀਚਿਊਟ ਵਿੱਚ ਮੌਜੂਦਾ ਸਮੇਂ ਪੜ ਰਹੀਆਂ ਵਿਦਿਆਰਥਣਾਂ ਨਾਲ ਆਪਣੀ ਵਿਲੱਖਣ ਸਫਲਤਾ ਦੇ ਰਾਜ ਸਾਂਝੇ ਕਰਦਿਆਂ ਕਿਹਾ ਕਿ ਉਸ ਨੇ ਇਸ ਮੁਕਾਮ ‘ਤੇ ਪਹੁੰਚਣ ਲਈ ਉਸ ਨੇ ਸਖ਼ਤ ਮਿਹਨਤ ਕੀਤੀ ਅਤੇ ‘ਨਿਸ਼ਾਨ-ਏ-ਸਿੱਖੀ’ ਦੇ ਅਧਿਆਪਕ ਸਾਹਿਬਾਨ ਦਾ ਇਸ ਵਿਚ ਵੱਡਾ ਯੋਗਦਾਨ ਰਿਹਾ। ਉਸ ਨੇ ਕਿਹਾ ਕਿ ਗੁਰਬਾਣੀ ਨਾਲ ਲਗਨ ਹੋਣ ਕਰਕੇ ਪਰਮਾਤਮਾ ਨੇ ਉਸ ‘ਤੇ ਕਿਰਪਾ ਕੀਤੀ। ਬਾਬਾ ਸੇਵਾ ਸਿੰਘ ਦਾ ਵਿਸ਼ੇਸ਼ ਧੰਨਵਾਦ ਕਰਦਿਆਂ ਉਸ ਨੇ ਕਿਹਾ ਕਿ ਲੜਕੀਆਂ ਵਾਸਤੇ ਉੱਚ ਪੱਧਰੀ ਪੜਾਈ ਦਾ ਪ੍ਰਬੰਧ ਕਰਕੇ ਉਹ ਬੜਾ ਮਹਾਨ ਉਪਰਾਲਾ ਕਰ ਰਹੇ ਹਨ।

ਡਾ. ਰਘਬੀਰ ਸਿੰਘ ਬੈਂਸ ਨੇ ਆਪਣੇ ਸੰਬੋਧਨ ਵਿਚ ਕਿਹਾ ਕਿ ਜਗਦੀਪ ਕੌਰ ਨੇ ਇਹ ਸ਼ਾਨਦਾਰ ਪ੍ਰਾਪਤੀ ਕਰਕੇ ਜਿਥੇ ਆਪਣੇ ਇਲਾਕੇ ਦਾ ਮਾਣ ਵਧਾਇਆ ਹੈ , ਉਥੇ ਕੌਮ ਦਾ ਨਾਂ ਵੀ ਰੌਸ਼ਨ ਕੀਤਾ ਹੈ। ਉਹਨਾਂ ਨੇ ਲੜਕੀ ਨੂੰ ਹੋਰ ਵੀ ਅੱਗੇ ਵਧਣ ਦੀ ਪ੍ਰੇਰਨਾ ਦਿੱਤੀ। ਇੰਸਟੀਚਿਊਟ ਦੇ ਡਾਇਰੈਕਟਰ ਸ. ਬਲਦੇਵ ਸਿੰਘ ਸੰਧੂ ਨੇ ਸਮਾਗਮ ਵਿਚ ਉਚੇਚੇ ਤੌਰ ‘ਤੇ ਪਹੁੰਚੇ ਪਤਵੰਤਿਆਂ ਦਾ ਧੰਨਵਾਦ ਕਰਨ ਤੋਂ ਇਲਾਵਾ ਦੱਸਿਆ ਕਿ ਇੰਸਟੀਚਿਊਟ ਵਲੋਂ ਲੜਕੀਆਂ ਨੂੰ ਪੁਲਿਸ ਅਤੇ ਹੋਰ ਫੋਰਸਾਂ ਵਿਚ ਭਰਤੀ ਕਰਵਾਉਣ ਲਈ ਵਿਸ਼ੇਸ਼ ਪ੍ਰਬੰਧ ਕੀਤੇ ਗਏ ਹਨ ਅਤੇ ਉਹਨਾਂ ਨੂੰ ਤਿਆਰੀ ਬਿਲਕੁਲ ਮੁਫ਼ਤ ਕਰਵਾਈ ਜਾਂਦੀ ਹੈ। ਉਹਨਾਂ ਦੱਸਿਆ ਕਿ ਥੋੜਾ ਸਮਾਂ ਪਹਿਲਾਂ ਹੀ ਇਥੋਂ ਇਕ ਹੋਰ ਲੜਕੀ ਸਬ-ਇੰਸਪੈਟਕਰ ਭਰਤੀ ਹੋਈ ਸੀ ਅਤੇ ਕੁੱਲ ਮਿਲਾ ਕੇ 300 ਤੋਂ ਜ਼ਿਆਦਾ ਲੜਕੀਆਂ ਇਥੋਂ ਸਿਖਲਾਈ ਲੈ ਕੇ ਭਰਤੀ ਹੋ ਚੁੱਕੀਆਂ ਹਨ। ਇਸ ਮੌਕੇ ਅਮਰੀਕਾ ਤੋਂ ਪਹੁੰਚੇ ਸ. ਮਹਿੰਦਰਜੀਤ ਸਿੰਘ ਨੇ ਵੀ ਸੰਬੋਧਨ ਕੀਤਾ।

ਬਾਬਾ ਸੇਵਾ ਸਿੰਘ ਵਲੋਂ ਜਗਦੀਪ ਕੌਰ ਦਾ ਸਿਰਪਾਓ ਅਤੇ ਯਾਦਗਾਰੀ ਚਿੰਨ ਨਾਲ ਵਿਸ਼ੇਸ਼ ਸਨਮਾਨ ਕੀਤਾ ਗਿਆ। ਇਸ ਮੌਕੇ ਜਗਦੀਪ ਕੌਰ ਦਾ ਸਮੁੱਚਾ ਪਰਿਵਾਰ, ਬਾਬਾ ਬਲਦੇਵ ਸਿੰਘ, ਸ. ਗੁਰਸ਼ਰਨਜੀਤ ਸਿੰਘ ਮਾਨ, ਸ. ਪਿਆਰਾ ਸਿੰਘ, ਸ. ਕਾਬਲ ਸਿੰਘ ਅਤੇ ਸਮੂਹ ਵਿਦਿਆਰਥਣਾਂ ਹਾਜ਼ਰ ਸਨ।

Read More

ਬੀ.ਐੱਡ ਕਾਲਜ ਖਡੂਰ ਸਾਹਿਬ ਵਿਖੇ ‘ਸੰਚਾਰ ਹੁਨਰ’ ਵਿਸ਼ੇ ‘ਤੇ ਵਿਸ਼ੇਸ਼ ਲੈਕਚਰ

ਵਿਦਿਆਰਥੀਆਂ ਨੂੰ ਸੰਬੋਧਨ ਕਰਦੇ ਹੋਏ ਡਾ. ਕਮਲਜੀਤ ਸਿੰਘ।

ਵਿਦਿਆਰਥੀਆਂ ਨੂੰ ਸੰਬੋਧਨ ਕਰਦੇ ਹੋਏ ਡਾ. ਕਮਲਜੀਤ ਸਿੰਘ।

ਖਡੂਰ ਸਾਹਿਬ, 6 ਮਾਰਚ- ਬਾਬਾ ਸੇਵਾ ਸਿੰਘ ਕਾਰ ਸੇਵਾ ਖਡੂਰ ਸਾਹਿਬ ਵਾਲਿਆਂ ਦੀ ਅਗਵਾਈ ਅਧੀਨ ਚੱਲ ਰਹੇ ਸ਼੍ਰੀ ਗੁਰੂ ਅੰਗਦ ਦੇਵ ਕਾਲਜ ਆਫ਼ ਐਜੂਕੇਸ਼ਨ ਖਡੂਰ ਸਾਹਿਬ ਵਿਖੇ ਵਿਦਿਆਰਥੀਆਂ ਦੇ ਸਰਵਪੱਖੀ ਵਿਕਾਸ ਲਈ ਸਮੇਂ-ਸਮੇਂ ‘ਤੇ ਐਕਸਟੈਂਸ਼ਨ ਲੈਕਚਰ ਕਰਵਾਏ ਜਾਂਦੇ ਹਨ। ਇਸ ਤਹਿਤ ਕਾਲਜ ਦੇ ਕਾਨਫਰੰਸ ਹਾਲ ਵਿਚ ‘ਸੰਚਾਰ ਹੁਨਰ’ ਵਿਸ਼ੇ ‘ਤੇ ਵਿਸ਼ੇਸ਼ ਲੈਕਚਰ ਕਰਵਾਇਆ ਗਿਆ, ਜਿਸ ਵਿਚ ਸ੍ਰੀ ਗੁਰੂ ਅੰਗਦ ਦੇਵ ਕਾਲਜ ਦੇ ਅੰਗਰੇਜ਼ੀ ਵਿਭਾਗ ਦੇ ਸੀਨੀਅਰ ਪ੍ਰੋਫੈਸਰ ਡਾ. ਕਮਲਜੀਤ ਸਿੰਘ ਨੇ ਮੁੱਖ ਵਕਤਾ ਵਜੋਂ ਸ਼ਿਰਕਤ ਕੀਤੀ।

ਵਿਦਿਆਰਥੀਆਂ ਨੂੰ ਸੰਬੋਧਨ ਕਰਦੇ ਹੋਏ ਡਾ. ਕਮਲਜੀਤ ਸਿੰਘ ਨੇ ਕਿਹਾ ਕਿ ਅੱਜ ਦੇ ਤਕਨਾਲੋਜੀ ਦੇ ਯੁੱਗ ਵਿੱਚ ਸੰਚਾਰ ਦੇ ਹੁਨਰ ਦੀ ਬਹੁਤ ਮਹੱਤਤਾ ਹੈ ਅਤੇ ਅੱਜ ਇਸ ਉਲਝਣਾਂ ਭਰੇ ਦੌਰ ਵਿੱਚ ਜੀਵਨ ਦੀ ਸਫ਼ਲਤਾ ਗੱਲਬਾਤ ਕਰਨ ਦੇ ਚੰਗੇ ਢੰਗ-ਤਰੀਕੇ ‘ਤੇ ਨਿਰਭਰ ਕਰਦੀ ਹੈ। ਵਿਦਿਆਰਥੀਆਂ ਨੂੰ ਆਪਣੇ ਅੰਦਰ ਇਸ ਹੁਨਰ ਨੂੰ ਪੈਦਾ ਕਰਨ ਜਾਂ ਵਧੀਆ ਬਣਾਉਣ ਲਈ ਉਹਨਾਂ ਨੇ ਕਈ ਅਹਿਮ ਨੁਕਤੇ ਦੱਸੇ। ਇਸ ਤੋਂ ਇਲਾਵਾ ਉਹਨਾਂ ਨੇ ਸਹੀ ਸ਼ਬਦਾਵਲੀ ਦੀ ਚੋਣ ਅਤੇ ਵਿਆਕਰਣ ਦੀ ਢੁਕਵੀਂ ਵਰਤੋਂ ‘ਤੇ ਜ਼ੋਰ ਦਿੱਤਾ।

ਕਾਲਜ ਦੇ ਪ੍ਰਿੰਸੀਪਲ ਸ਼੍ਰੀਮਤੀ ਸਿਮਰਪ੍ਰੀਤ ਕੌਰ ਨੇ ਆਏ ਹੋਏ ਮੁੱਖ ਵਕਤਾ ਦਾ ਧੰਨਵਾਦ ਕਰਦੇ ਹੋਏ ਕਿਹਾ ਕਿ ਇੱਕ ਅਧਿਆਪਕ ਨੂੰ ਆਪਣੇ ਕਿੱਤੇ ਨਾਲ ਨਿਆਂ ਕਰਨ ਲਈ ਚੰਗੇ ਸੰਚਾਰ ਹੁਨਰ ਦਾ ਧਨੀ ਬਣਨਾ ਚਾਹੀਦਾ ਹੈ। ਅਧਿਆਪਕ ਸ਼ਬਦਾਂ ਦਾ ਹੁਨਰਮੰਦ ਤਰੀਕੇ ਨਾਲ ਇਸਤੇਮਾਲ ਕਰਕੇ ਵਿਦਿਆਰਥੀਆਂ ਦੀ ਵਿਸ਼ੇ ਵਿੱਚ ਰੁਚੀ ਪੈਦਾ ਕਰ ਸਕਦਾ ਹੈ। ਇਸ ਮੌਕੇ ਕਾਲਜ ਦਾ ਸਮੂਹ ਸਟਾਫ਼ ਅਤੇ ਵਿਦਿਆਰਥੀ ਹਾਜ਼ਰ ਸਨ।

Read More

 ਖਡੂਰ ਸਾਹਿਬ ਸਥਿਤ ਪੁਰਾਤਨ ਬਾਰਾਂਦਰੀ ਤੇ ਲੰਗਰ ਵਾਲੀ ਖੂਹੀ ਦੀ ਦੂਜੇ ਪਾਤਸ਼ਾਹ ਨਾਲ ਸਬੰਧਿਤ ਹੋਣ ਦੀ ਹੋਈ ਪੁਸ਼ਟੀ

1. Barandari

Barandari

 

 

4. Old 'Khuhi' (Well)

Old ‘Khuhi’ (Well)

 ਅੱਠ ਗੁਰੂ ਸਾਹਿਬਾਨ ਦੀ ਪਾਵਨ ਚਰਨ ਛੋਹ ਪ੍ਰਾਪਤ ਇਤਿਹਾਸਕ ਨਗਰੀ ਖਡੂਰ ਸਾਹਿਬ ਵਿਖੇ ਗੁਰਦੁਆਰਾ ਤਪਿਆਣਾ ਸਾਹਿਬ ਦੇ ਸਰੋਵਰ ਕੰਢੇ ਬਣੀ ਪੁਰਾਤਨ ਬਾਰਾਂਦਰੀ ਅਤੇ ਨੇੜੇ ਸਥਿਤ ਪੁਰਾਤਨ ਲੰਗਰ ਵਾਲੀ ਖੂਹੀ ਦੇ ਦੂਜੇ ਪਾਤਸ਼ਾਹ ਸ਼੍ਰੀ ਗੁਰੂ ਅੰਗਦ ਦੇਵ ਜੀ ਨਾਲ ਸਬੰਧਿਤ ਹੋਣ ਦੀ ਪੁਸ਼ਟੀ ਹੋ ਗਈ ਹੈ। ਇਹ ਪੁਸ਼ਟੀ ਪੰਜਾਬ ਦੇ ਸਭਿਆਚਾਰਕ ਮਾਮਲੇ, ਪੁਰਾਤੱਤਵ ਅਤੇ ਅਜਾਇਬ ਘਰ ਮਹਿਕਮੇ ਵਲੋਂ ਕੀਤੀ ਗਈ ਹੈ। ਜਿਕਰਯੋਗ ਹੈ ਕਿ ਇਹ ਨਗਰ ਸ੍ਰੀ ਗੁਰੂ ਅੰਗਦ ਦੇਵ ਜੀ ਵਲੋਂ ਵਰੋਸਾਇਆ ਹੋਇਆ ਨਗਰ ਹੈ ਅਤੇ ਉਹਨਾਂ ਇਥੇ ਗੁਰਿਆਈ ਦੇ ਲਗਭਗ 13 ਸਾਲ ਬਤੀਤ ਕੀਤੇ। ਇਸ ਸਮੇਂ ਦੌਰਾਨ ਇਹ ਨਗਰ ਸਿੱਖੀ-ਪ੍ਰਚਾਰ ਦਾ ਵੱਡਾ ਕੇਂਦਰ ਬਣ ਕੇ ਉੱਭਰਿਆ। ਗੁਰੂ ਸਾਹਿਬ ਨੇ ਇਥੇ ਵਿਚਰਦਿਆਂ ਜਿਥੇ ਹੋਰ ਮਹਾਨ ਕਾਰਜ ਕੀਤੇ, ਉਥੇ ਗੁਰੂ ਸਾਹਿਬ ਦੇ ਮਹਿਲ (ਸੁਪਤਨੀ) ਮਾਤਾ ਖੀਵੀ ਜੀ ਨੇ ਪਹਿਲੇ ਪਾਤਸ਼ਾਹ ਵਲੋਂ ਸ਼ੁਰੂ ਕੀਤੀ ਲੰਗਰ ਦੀ ਪ੍ਰਥਾ ਨੂੰ ਪ੍ਰਪੱਕ ਕੀਤਾ।
3. Baba Sewa Singh along with Sikh Sangat seeing unique ceiling of 'Barandri'ਕਾਬਲੇ-ਗ਼ੌਰ ਹੈ ਕਿ ਇਸ ਇਤਿਹਾਸਕ ਨਗਰ ਜਿਸ ਦਾ ਕਿ ਜ਼ਿਕਰ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਅਤੇ ਭਾਈ ਗੁਰਦਾਸ ਜੀ ਦੀਆਂ ਵਾਰਾਂ ਵਿਚ ਵੀ ਬਕਾਇਦਾ ਤੌਰ ‘ਤੇ ਆਉਂਦਾ ਹੈ, ਵਿਖੇ ਸਥਿਤ ਗੁਰੂ ਸਾਹਿਬ ਨਾਲ ਸਬੰਧਿਤ ਵਿਰਾਸਤੀ ਇਮਾਰਤਾਂ ਅਤੇ ਹੋਰ ਨਿਸ਼ਾਨੀਆਂ ਸਬੰਧੀ ਖੋਜ ਅਤੇ ਤਸਦੀਕੀਕਰਨ ਦੀ ਮੰਗ ਚਿਰਾਂ ਤੋਂ ਉਠਦੀ ਆ ਰਹੀ ਹੈ। ਬਾਬਾ ਸੇਵਾ ਸਿੰਘ ਕਾਰ ਸੇਵਾ ਖਡੂਰ ਸਾਹਿਬ ਵਾਲੇ, ਸਿੱਖ ਵਿਦਵਾਨ ਡਾ. ਰਘਬੀਰ ਸਿੰਘ ਬੈਂਸ ਅਤੇ ਪ੍ਰਿੰਸੀਪਲ ਡਾ. ਭਗਵੰਤ ਸਿੰਘ ਖਹਿਰਾ ਇਸ ਦਿਸ਼ਾ ਵਿਚ ਚਿਰਾਂ ਤੋਂ ਯਤਨਸ਼ੀਲ ਹਨ। ਡਾ. ਬੈਂਸ ਨੇ 2003 ਵਿਚ ਕੇਂਦਰ ਸਰਕਾਰ ਦੀ ਪੁਰਾਤੱਤਵ ਏਜੰਸੀ ਨੂੰ ਆਪਣੇ ਮਾਹਿਰਾਂ ਕੋਲੋਂ ਇਸ ਸਬੰਧੀ ਖੋਜ ਕਰਾਉਣ ਦੀ ਬੇਨਤੀ ਕੀਤੀ ਸੀ ਪਰ ਉਸ ਵਲੋਂ ਇਸ ਮਾਮਲੇ ਵਿਚ ਕੋਈ ਦਿਲਚਸਪੀ ਨਾ ਦਿਖਾਉਣ ਕਾਰਨ ਇਹ ਕਾਰਜ ਲੰਮੇ ਸਮੇਂ ਤੱਕ ਅਧਵਾਟੇ ਹੀ ਪਿਆ ਰਿਹਾ। ਫਿਰ ਡਾ. ਬੈਂਸ ਨੇ ਕੁਝ ਸਮਾਂ ਪਹਿਲਾਂ ਪੰਜਾਬ ਦੇ ਪੁਰਾਤੱਤਤ ਮਹਿਕਮੇ ਨੂੰ ਇਸ ਸਬੰਧੀ ਚਿੱਠੀ ਲਿਖੀ। ਡਾ. ਬੈਂਸ ਦੇ ਦੱਸਣ ਮੁਤਾਬਕ ਮਹਿਕਮੇ ਦੇ ਡਾਇਰੈਕਟਰ ਸਾਹਿਬ ਨੇ ਇਸ ਮਾਮਲੇ ਵਿਚ ਭਰਵਾਂ ਹੁੰਗਾਰਾ ਦਿੱਤਾ ਅਤੇ ਉਹਨਾਂ ਦੇ ਦਿਸ਼ਾ-ਨਿਰਦੇਸ਼ਾਂ ਹੇਠ ਪੁਰਾਤੱਤਵ ਅਫਸਰ ਸ. ਰਾਜਿੰਦਰ ਸਿੰਘ ਬਾਠ ਦੀ ਅਗਵਾਈ ਵਿਚ ਮਹਿਕਮੇ ਦੀ ਟੀਮ ਵਲੋਂ ਖਡੂਰ ਸਾਹਿਬ ਆ ਕੇ ਪੁਰਾਤਨ ਇਮਾਰਤਾਂ ਦਾ ਜਾਇਜਾ ਲਿਆ ਗਿਆ ਅਤੇ ਖੋਜ ਕੀਤੀ ਗਈ।2. Rajinder SIngh Bath, Dr. Raghbir Singh Bains and Baba Sewa Singh telling historical facts regarding 'Barandari' to Sikh Sangat
ਤਾਜ਼ਾ ਖੋਜ ਮੁਤਾਬਕ ਜਿਥੇ ਅੱਜ ਗੁਰਦੁਆਰਾ ਤਪਿਆਣਾ ਸਾਹਿਬ ਹੈ, ਉਥੇ ਬਹੁਤ ਵੱਡਾ ਬਾਗ ਹੁੰਦਾ ਸੀ। ਕਿਉਂਕਿ ਬਾਰਾਂਦਰੀ ਬਾਗ ਵਿਚ ਹੀ ਬਣਾਈ ਜਾਂਦੀ ਸੀ, ਇਸ ਲਈ ਇਸ ਅਸਥਾਨ ‘ਤੇ ਬਾਗ ਹੋਣ ਦੀ ਪੁਸ਼ਟੀ ਹੁੰਦੀ ਹੈ। ਏਕਾਂਤ ਜਗਾ ਹੋਣ ਕਰਕੇ ਗੁਰੂ ਸਾਹਿਬ ਇਥੇ ਭਜਨ ਬੰਦਗੀ ਕਰਿਆ ਕਰਦੇ ਸਨ। ਗੁਰਦੁਆਰਾ ਸਾਹਿਬ ਦਾ ਇਤਿਹਾਸ ਵੀ ਇਹੀ ਹੈ ਕਿ ਇਥੇ ਗੁਰੂ ਸਾਹਿਬ ਨੇ ਤਪ ਕੀਤਾ, ਤਾਂਹੀਓਂ ਇਸ ਦਾ ਨਾਂਅ ਤਪਿਆਣਾ ਸਾਹਿਬ ਪਿਆ। ਇਸ ਦੇ ਸਰੋਵਰ ਦੇ ਕੰਢੇ ਉੱਤਰ ਵੱਲ ਸਥਿਤ ਪੁਰਾਤਨ ਬਾਰਾਂਦਾਰੀ ਦੀ ਲੰਬਾਈ 33 ਫੁੱਟ ਅਤੇ ਚੌੜਾਈ 12 ਫੁੱਟ 7 ਇੰਚ ਅਤੇ ਉਚਾਈ 10 ਫੁੱਟ 9 ਇੰਚ ਹੈ ਅਤੇ ਇਸ ਦੀਆਂ ਕੰਧਾਂ ਲਖੌਰੀ/ਛੋਟੀਆਂ ਇੱਟਾਂ ਦੀਆਂ ਚੂਨੇ-ਸੁਰਖੀ ਦੀਆਂ ਬਣੀਆਂ ਹੋਈਆਂ ਹਨ ਜੋ ਕਿ 80 ਸੈਂਟੀਮੀਟਰ ਦੇ ਲਗਭਗ ਚੌੜੀਆਂ ਹਨ। ਬਾਰਾਂਦਰੀ ਦਾ ਆਰਕੀਟੈਕਟ, ਆਰਕਾਂ, ਛੱਤਾਂ ਦੇ ਡਿਜ਼ਾਇਨ ਅਤੇ ਛੋਟੀਆਂ ਇੱਟਾਂ ਇਹ ਦਰਸਾਉਂਦੀਆਂ ਹਨ ਕਿ ਇਸ ਕਿਸਮ ਦੀਆਂ ਬਾਰਾਂਦਰੀਆਂ 16ਵੀਂ ਸਦੀ ਦੀ ਸ਼ੁਰੂਆਤ ਵਿਚ ਬਣਨ ਲੱਗੀਆਂ ਸਨ। ਇਸ ਮੁਤਾਬਕ ਇਹ ਬਾਰਾਂਦਰੀ 16ਵੀਂ ਸਦੀ ਦੀ ਹੈ ਅਤੇ ਗੁਰੂ ਅੰਗਦ ਦੇਵ ਜੀ ਦੇ ਸਮੇਂ ਦੀ ਬਣੀ ਹੋਈ ਹੈ। ਮਹਿਕਮੇ ਦੀ ਰਿਪੋਰਟ ਅਨੁਸਾਰ ਇਹ ਸਾਰੇ ਤੱਥ ਇਹ ਦਰਸਾਉਂਦੇ ਹਨ ਕਿ ਇਸ ਬਾਰਾਂਦਰੀ ਦੇ ਵਿਚ ਗੁਰੂ ਅੰਗਦ ਸਾਹਿਬ ਆਪਣੇ ਸਿੱਖ ਸੰਗਤਾਂ ਨੂੰ ਮਿਲਦੇ ਹੋਣਗੇ ਅਤੇ ਸੰਗਤਾਂ ਨੂੰ ਸੰਬੋਧਨ ਕਰਦੇ ਹੋਣਗੇ।
ਇਸ ਤੋਂ ਇਲਾਵਾ ਬਾਰਾਂਦਾਰੀ ਨੇੜੇ ਹੀ ਬਣੇ ਹੋਏ ਆਧੁਨਿਕ ਮਾਤਾ ਖੀਵੀ ਲੰਗਰ ਘਰ ਦੀ ਤਿੰਨ ਮੰਜ਼ਿਲਾ ਇਮਾਰਤ ਦੇ ਬੇਸਮੈਂਟ ਵਿਚ ਇਕ ਪੁਰਾਤਨ ਖੂਹੀ ਵੀ ਬਣੀ ਹੋਈ ਹੈ। ਇਹ ਖੂਹੀ ਵੀ ਛੋਟੀਆਂ ਲਖੌਰੀ ਇੱਟਾਂ ਦੀ ਬਣੀ ਹੋਈ ਹੈ। ਇਸ ਵਿਚ ਵਰਤੀ ਗਈ ਹੋਰ ਸਮੱਗਰੀ ਵੀ ਪੁਰਾਤਨ ਬਾਰਾਂਦਰੀ ਦੀ ਸਮੱਗਰੀ ਨਾਲ ਮੇਲ ਖਾਂਦੀ ਹੈ। ਇਸ ਤੋਂ ਇਹ ਨਤੀਜਾ ਨਿਕਲਦਾ ਹੈ ਕਿ ਇਹ ਖੂਹੀ ਗੁਰੂ ਅੰਗਦ ਸਾਹਿਬ ਵੇਲੇ ਦੀ ਹੀ ਹੈ। ਯਾਦ ਰਹੇ ਕਿ ਮਾਤਾ ਖੀਵੀ ਜੀ ਸਿੱਖ ਸੰਗਤਾਂ ਜਾਂ ਸ਼ਰਧਾਲੂਆਂ ਨੂੰ ਆਪਣੇ ਹੱਥੀਂ ਲੰਗਰ-ਪ੍ਰਸ਼ਾਦਾ ਤਿਆਰ ਕਰਕੇ ਛਕਾਉਂਦੇ ਹੁੰਦੇ ਸਨ। ਗੁਰੂ ਗ੍ਰੰਥ ਸਾਹਿਬ ਵਿਚ ਵੀ ਇਸ ਗੱਲ ਦਾ ਬਕਾਇਦਾ ਜ਼ਿਕਰ ਮਿਲਦਾ ਹੈ। ਤੇ ਤਾਜ਼ਾ ਖੋਜ ਮੁਤਾਬਕ, ਮਾਤਾ ਖੀਵੀ ਜੀ ਲੰਗਰ ਵਾਸਤੇ ਇਸ ਖੂਹੀ ਦਾ ਪਾਣੀ ਹੀ ਵਰਤਿਆ ਕਰਦੇ ਹੋਣਗੇ।
ਕੁੱਲ ਮਿਲਾ ਕੇ ਪੁਰਾਤੱਤਵ ਮਹਿਕਮੇ ਦੀ ਟੀਮ ਨੇ ਇਹ ਸਿੱਟਾ ਕੱਢਿਆ ਹੈ ਕਿ ਇਸ ਖੋਜ ਤੋਂ ਜਾਪਦਾ ਹੈ ਕਿ ਪੁਰਾਤਨ ਬਾਰਾਂਦਰੀ ਨੂੰ ਗੁਰੂ ਅੰਗਦ ਸਾਹਿਬ ਜੀ ਅਤੇ ਖਡੂਰ ਸਾਹਿਬ ਆਏ ਹੋਰ ਗੁਰੂ ਸਾਹਿਬਾਨ ਦੀ ਪਾਵਨ ਚਰਨ-ਛੋਹ ਪ੍ਰਾਪਤ ਹੈ। ਇਹ ਪੁਸ਼ਟੀ ਹੋਣ ਨਾਲ ਸਿੱਖ ਬੁੱਧੀਜੀਵੀਆਂ ਅਤੇ ਸੰਗਤਾਂ ਦੀ ਚਿਰੌਕਣੀ ਮੰਗ ਨੂੰ ਬੂਰ ਪਿਆ ਹੈ। ਬਾਬਾ ਸੇਵਾ ਸਿੰਘ ਕਾਰ ਸੇਵਾ ਵਾਲਿਆਂ ਨੇ ਕਿਹਾ ਹੈ ਕਿ ਗੁਰੂ ਸਾਹਿਬ ਦੀਆਂ ਇਹਨਾਂ ਬੇਸ਼ਕੀਮਤੀ ਨਿਸ਼ਾਨੀਆਂ ਨੂੰ ਸਬੰਧਿਤ ਮਾਹਿਰਾਂ ਤੇ ਵਿਗਿਆਨੀਆਂ ਦੀ ਸਲਾਹ ਨਾਲ ਪੂਰੇ ਸਤਿਕਾਰ-ਸਹਿਤ ਸੰਭਾਲਣ ਦੇ ਯਤਨ ਕੀਤੇ ਜਾਣਗੇ ਕਿਉਂਕਿ ਇਹੀ ਸਾਡੀ ਵਿਰਾਸਤ ਹਨ, ਜਿਸ ਤੋਂ ਅੱਜ ਦੀ ਪੀੜੀ ਨੂੰ ਸਿੱਖੀ ਵਾਲੀ ਸੇਧ ਮਿਲ ਸਕਦੀ ਹੈ ਅਤੇ ਆਉਣ ਵਾਲੀਆਂ ਪੀੜੀਆਂ ਨੂੰ ਵੀ ਪ੍ਰੇਰਨਾ ਮਿਲਦੀ ਰਹੇਗੀ। ਮਿਤੀ 28 ਫਰਵਰੀ ਨੂੰ ਖਡੂਰ ਸਾਹਿਬ ਵਿਖੇ ਹੋ ਰਹੇ ਵਿਸ਼ੇਸ਼ ਗੁਰਮਤਿ ਸਮਾਗਮ ਵਿਚ ਸੰਗਤਾਂ ਉਪਰੋਕਤ ਤੱਥ ਸਾਹਮਣੇ ਆਉਣ ਦੀ ਖੁਸ਼ੀ ਵਿਚ ਸ਼ੁਕਰਾਨੇ ਦੀ ਅਰਦਾਸ ਕਰਨਗੀਆਂ।

Read More

Nishan e Sikhi Building Khadur Sahib

Latest News and Events

  • ਸ੍ਰੀ ਗੁਰੂ ਅੰਗਦ ਦੇਵ ਇੰਸਟੀਚਿਊਟ ਆਫ ਰਿਲੀਜੀਅਸ ਸਟੱਡੀਜ਼ ਖਡੂਰ ਸਾਹਿਬ ਦਾਖਲਾ ਫਾਰਮ 2021March 14, 2021ਸ੍ਰੀ ਗੁਰੂ ਅੰਗਦ ਦੇਵ ਇੰਸਟੀਚਿਊਟ ਆਫ ਰਿਲੀਜੀਅਸ ਸਟੱਡੀਜ਼ ਖਡੂਰ ਸਾਹਿਬ ਦਾਖਲਾ ਫਾਰਮ 2021
  • List of  Candidates  Who Has  Clear  The Interview  Of 7th Course NDA Wing(Nishan-E-Sikhi Institute of Science and Training) 2020-2021March 6, 2021List of Candidates Who Has Clear The Interview Of 7th Course NDA Wing(Nishan-E-Sikhi Institute of Science and Training) 2020-2021s/2021/03/msg-for-new-student.docx”]
  • List of Shortlisted Candidates Of 7th Course NDA Wing(Nishan-E-Sikhi Institute of Science and Training) 2020-2021February 15, 2021List of Shortlisted Candidates Of 7th Course NDA Wing(Nishan-E-Sikhi Institute of Science and Training) 2020-2021
  • 28 School Students Test Covid PositiveFebruary 6, 202128 School Students Test Covid Positive
  • US To Rejoin Paris Climate AgreementJanuary 18, 2021US To Rejoin Paris Climate Agreement
  • Pamphlet of NDAJanuary 14, 2021Pamphlet of NDA
  • Date Sheet For Class 10th&12th ReleasedJanuary 13, 2021Date Sheet For Class 10th&12th Released
  • Punjab Pre-Board Examinations From Eight FebruaryJanuary 13, 2021Punjab Pre-Board Examinations From Eight February
  • Pollution Causing AnaemiaJanuary 11, 2021Pollution Causing Anaemia
  • GNDU Preparing For 4 years Graduation CourseJanuary 9, 2021GNDU Preparing For 4 years Graduation Course

Follow Us

search

© 2017 Design By Nishan-e-Sikhi Development Wing