ਬਾਬਾ ਸੇਵਾ ਸਿੰਘ ਜੀ ਕਾਰ ਸੇਵਾ ਖਡੂਰ ਸਾਹਿਬ ਵਾਲਿਆਂ ਦੀ ਸਰਪ੍ਰਸਤੀ ਹੇਠ ਚੱਲ ਰਹੇ ਨਿਸ਼ਾਨ-ਏ-ਸਿੱਖੀ ਸੈਂਟਰ ਫਾਰ ਸਿਵਲ ਸਰਵਿਸਜ਼ ਦੇ ਬੀ.ਏ. ਸੋਸ਼ਲ ਸਟੱਡੀਜ਼ (ਯੂ.ਪੀ.ਐਸ.ਸੀ.) ਦੇ ਵਿਦਿਆਰਥੀਆਂ ਨੂੰ ਦਿੱਲੀ ਤੋ ਮਲੂਕਾ ਆਈ.ਏ.ਐੱਸ. ਅਕੈਡਮੀ ਦੇ ਡਾਇਰੈਕਟਰ ਸ. ਲਸ਼ਮਨ ਸਿੰਘ ਮਲੂਕਾ ਦੁਆਰਾ ਵਿਸ਼ੇਸ ਲੈਕਚਰ ਦਿੱਤਾ ਗਿਆ। ਉਨਾਂ ਯੂ.ਪੀ.ਐਸ.ਸੀ. ਦੇ ਵਿਦਿਆਰਥੀਆ ਨਾਲ ਪ੍ਰੀਖਿਆ ਸੰਬੰਧੀ ਕਈ ਲਾਹੇਵੰਦ ਵਿਚਾਰ ਸਾਂਝੇ ਕੀਤੇ । ਸ.ਮਲੂਕਾ ਨੇ ਦੱਸਿਆ ਕਿ ਬਿਹਾਰ ਵਰਗੇ ਸੂਬਿਆ ਵਿਚ ਦੇਸ਼ ਦੇ ਸਭ ਤੋ ਵੱਧ ਆਈ.ਏ.ਐੱਸ., ਆਈ.ਪੀ.ਐੱਸ. ਅਫ਼ਸਰ ਬਣਦੇ ਹਨ ਜਦਕਿ ਪੰਜਾਬ ਦੇ ਹੋਣਹਾਰ ਨੌਜਵਾਨ ਡਾਲਰ ਕਮਾਉਣ ਦੀ ਖਾਤਰ ਵਿਦੇਸ਼ਾ ਵਿਚ ਜਾ ਕੇ ਮਜਦੂਰੀ ਕਰ ਰਹੇ ਹਨ, ਜੇਕਰ ਨੌਜਵਾਨ ਇਥੇ ਰਹਿਕੇ ਮਿਹਨਤ ਕਰਕੇ ਅਫਸਰ ਬਣਨ ਤਾਂ ਪੰਜਾਬ ਅਤੇ ਸਿੱਖ ਪੰਥ ਲਈ ਬਹੁਤ ਮਾਣ ਵਾਲੀ ਗੱਲ ਹੋਵੇਗੀ। ਉਹਨਾਂ ਇਸ ਗੱਲ ਦੀ ਬਹੁਤ ਸ਼ਲਾਘਾ ਕੀਤੀ ਕਿ ਨਿਸ਼ਾਨ-ਏ-ਸਿੱਖੀ, ਖਡੂਰ ਸਾਹਿਬ ਵਿੱਚ ਵਿਦਿਆਰਥੀਆ ਨੂੰ ਪੜ੍ਹਨ ਲਈ ਸਾਰੀਆ ਸੁਵਿਧਾਵਾਂ ਮਿਲ ਰਹੀਆ ਹਨ ਅਤੇ ਇਸ ਤਰ੍ਹਾਂ ਦੇ ਸ਼ਾਤ ਮਾਹੌਲ ਵਿਚ ਹੀ ਵਧੀਆ ਤਿਆਰੀ ਹੋ ਸਕਦੀ ਹੈ। ਸ.ਮਲੂਕਾ ਨੇ ਵੱਖ –ਵੱਖ ਉਦਾਹਰਨਾ ਦੇ ਕੇ ਵਿਦਿਆਰਥੀਆ ਨੂੰ ਮਿਹਨਤ ਕਰਕੇ ਆਪਣੀਆਂ ਮੰਜਿਲਾਂ ਤੱਕ ਪਹੁੰਚਣ ਲਈ ਪ੍ਰੇਰਿਤ ਕੀਤਾ.। ਉਨ੍ਹਾਂ ਨੇ ਕਿਹਾ ਕਿ ਆਮ ਤੌਰ ਤੇ ਵਿਦਿਆਰਥੀ ਬੀ.ਏ. ਪਾਸ ਕਰਨ ਤੋ ਬਾਅਦ ਯੂ.ਪੀ.ਐੱਸ.ਸੀ. ਦੀ ਤਿਆਰੀ ਕਰਦੇ ਹਨ ਪਰ ਨਿਸ਼ਾਨ-ਏ-ਸਿੱਖੀ ਵਿਚ ਬੀ.ਏ. ਸੋਸ਼ਲ ਸਟੱਡੀਜ਼ ਦੀ ਤਿੰਨ ਸਾਲਾ ਡਿਗਰੀ ਕਰਨ ਦੇ ਦੌਰਾਨ ਹੀ ਵਿਦਿਆਰਥੀ ਸਿਵਲ ਸਰਵਿਸਿਜ਼ ਦੀ ਤਿਆਰੀ ਕਰ ਲੈਦੇ ਹਨ ਜੋ ਕਿ ਬਹੁਤ ਵਧੀਆ ਗੱਲ ਹੈ। ਅਖੀਰ ਵਿਚ ਬਾਬਾ ਸੇਵਾ ਸਿੰਘ ਜੀ ਵੱਲੋ ਸ. ਲਸ਼ਮਨ ਸਿੰਘ ਮਲੂਕਾ ਜੀ ਨੂੰ ਸਨਮਾਨਿਤ ਕੀਤਾ ਗਿਆ ਅਤੇ ਵਿਦਿਆਰਥੀਆਂ ਨੂੰ ਮਿਹਨਤ ਅਤੇ ਲਗਨ ਨਾਲ ਆਪਣੇ ਸੁਪਨੇ ਪੂਰੇ ਕਰਨ ਲਈ ਪ੍ਰੇਰਿਤ ਕੀਤਾ । ਇਸ ਮੌਕੇ ‘ਤੇ ਸਕੱਤਰ ਸ.ਅਵਤਾਰ ਸਿੰਘ ਬਾਜਵਾ, ਪ੍ਰਿੰਸੀਪਲ ਭਾਈ ਵਰਿਆਮ ਸਿੰਘ ਜੀ, ਸਕੱਤਰ ਸ. ਹਰਨੰਦਨ ਸਿੰਘ, ਯੂ.ਪੀ.ਐੱਸ.ਸੀ. ਦੇ ਡਾਇਰੈਕਟਰ ਸ.ਕਰਨੈਲ ਸਿੰਘ (ਆਈ.ਆਰ.ਐੱਸ, ਰਿਟਾ.), ਮੇਜਰ ਜਨਰਲ ਬਲਵਿੰਦਰ ਸਿੰਘ (ਰਿਟਾ.) ਪ੍ਰਿੰਸੀਪਲ ਬਲਵੰਤ ਸਿੰਘ ਸੰਧੂ, ਡਾ. ਗੁਰਪ੍ਰੀਤ ਸਿੰਘ ਉੱਪਲ ਅਤੇ ਯੂ.ਪੀ.ਐੱਸ.ਸੀ. ਦਾ ਸਮੂਹ ਸਟਾਫ ਮੈਂਬਰ ਹਾਜਰ ਸਨ।